轉眼間已經7年，還記得當初中1入到B班果時，肥成坐我後面，Bonnie坐我前面咁上堂，中一的我，只記得上堂好悶，成績不算好，學號同Bonnie連埋所以禮堂、音樂堂都一齊坐，都算成日吹水，但果時既你係因為大家未熟定係你未開始爛口呢？
放學應該都係同肥成搭輕鐵，我仲記得有一次大家淋雨搭輕鐵，校服濕哂咁入輕鐵度。中一我就開始玩籃球、足球、手球、跳高，所以一放學打鐘我就飛落去練波，所以同班上其他人唔熟，亦可能因為我坐右下角後面，遠離左面男士密集區，所以中一既我只係識得幾個，同過幾個傾計。
而我當時未開始上堂眼訓的。當時印象最深係好人到爆既Alan sir,上堂成日好多笑聲既ms Leung英文堂。
區運跳高第二，校際籃球第三，手球第二，足球第一
中二，同班上同學開始熟，係因為大家調過一年位識多左人，定係因為男子們一齊開始打乒乓波，小息打，lunch打，一齊「猜」場跟隊，放學又去天耀石抬繼續打，所以係我開始同其他男同學熟，肥榮、膠堂、mike、膠羊、劉華、hermen、阿朗<，另一件轉捩點令我同劉華開始好熟日日見傾計係因為佢有一日打黎(唔知邊個俾我電話佢)，問我可唔可以下星期同佢一齊宣佈，我果時同佢完全唔熟，只係諗上台講幾句好快手姐，所以都應承左佢。點知原來係每星期都要兩次既禮堂上會負責代禱同帶主禱文，因為呢件事我識左要記我個名好耐先記到既筠姐，suki同洪大媽，每次各位係下面企上早會，我就係上面坐、做功課、背書、吹水、每年仲當係關愛成員咁有兩個優點。
是
中二下學期，男生活動轉為打波，小息lunch放學放假都打，肥榮由唔識打，到籃底汁雞、再到而家唔敢打底轉射三分，淆高佬到咁(ｰ ｰ;)
到家下一路打落有9個固定班底打波book場買波、我哋就一直打到宜家。
家下開始上堂搵野玩，象棋、5子棋、睇書…
上堂方面有「讀書係難既，係難既，眼鏡用橡根、作文字打直擺、打橫寫既中文堂、牙縫有菜既阿sir，答中問題同3次英文點書100分有20$既鍾sir，仲有佢既自動轉脹…亦都試過一齊唔去社選舉俾老師罰改變遷善計劃，試過30個人中秋節一齊出黎玩臘蠋。校際籃球第二，手球第三，足球第四。
守建同學要跟屋企去西非，最後一齊bbq亦有30個以上到，你成績好，人又好，去邊都無問題的,ps我係你筆袋搵返我唔見左既禁芯筆原來你汁左:p，仲有大家放左學可以夠人到11對11玩閃避球，其他幾個唔玩都坐側面幫手睇野。
中三係玩得最多既一年，NDS.psp.漫畫.聽mp3都有，亦都第一次嬴左級籃球冠軍，班入面小圈子問題白熱化，嚴重分歧出現，分手後面左左現象亦開始浮現，唉，心入面已經諗到以前20幾30個一齊玩已經無可能再出現了。而我亦開始為升中四諗緊了，我未諗到以後想讀咩，所以希望讀理科之後選擇可以多啲，可惜我只有chem永遠既89分係比較好小小，chem堂我每次都訓覺，布布就數阿sir一堂講幾多次「ok」，訓醒仲可以答坐隔離陳同學既chem問題…，phy得75至85，bio得50幾，數學得70幾，所以問自己就算入S2，但都一定唔夠分升中6，但我地理又ok，所以都係讀4A3班，區運跳高冠軍，6區運動會跳高季軍，屈臣氏運動會跳高季軍，校際籃球第四，陳伯要走了，兩封利是走了:(
仲有就係唱通宵k生涯開始，3個人頹坐neway最大間房，唔止1次俾警察巡房叫我哋早啲返屋企
4A3班特色，9男30女，讀8科:中英數中史世史地理文學經濟，都係有校本評核，都唔明新高中最多讀7科都要drop，佢哋仲要係計哂，合格都有分，唔似會考只計頭6科。
中4同中5，無止境既溫書同quiz，好彩有一班好好好既老師陪住我哋讀每一科，地理每次校內試達到癲峰，但正式會考得B，李sir相信我俾300我check卷都升唔到A，所以我一直都覺得愧對李sir，呢兩年我以自虐方式迫自己溫書，一次都無參加A3聚餐或者打邊爐，無去過豪哥屋企一齊打機，無同B班bbq，迫自己0娛樂全日溫書，訓教，訓醒再溫，加上學校pre pre mock,pre mock, pos mock,mock咁幫我哋溫書，忙得好充實
多謝小儀老師、ms Leung、盧sir、李sir、董sir、李sir、李sir、陳雄sir。亦都同佳佳哥一齊奮戰平均分到7字頭，全班上學期有21個7字頭平均分，到下學期有23個。盧sir既我哋上堂訓覺佢個仔要坐監論。
中6放榜，所有20分以上既27人全部原校讀6A，地理A不了，世史讀唔到，最後只有中英地理經濟，男女比例進一步拉闊，7男27女，升中四有唔捨得既人走左，升中6，好多兄弟都走左去其他地方讀，我相信佢哋依然讀得好好，仲會一齊出黎玩。
中六做不到社長，同班亦無人做，因為好多人為因素，但就做左地理學會會長，經濟學會副會長，學生會活動部幹事，地理學會搞左馬屎州野外定向同大澳考察，亦幫手玩建築師，搞地理經濟常識問答比賽。上堂鬼手熄燈，受香味引誘。
去左廣州睇亞運而去唔到秋季旅行，地理組去左武漢，正<
之後就暑假朝早Econ上堂，中午就去做人口普查，充實的中6
中7無非就係最後一年博到盡AL，一個月做兩次10年past paper，係咁溫書上堂，無去過自修室，多人出入多人騷擾，有好多好多人想多謝，亦都對好多人感到羞愧，去左齊齊準備壽司三文治，係跳海時lunch食，班接4x100嬴左，班籃輸左得第二，班足輸左。
學左好多野，識左更多人
做緊保安夜班得閒到打上面咁大段野，快啲搵我啦:(
留言列表
